តន្ត្រីសំរាប់ការសប្បាយ: សុខភាពទូទៅ

តើខ្លាញ់សត្វខុសគ្នាពីខ្លាញ់ដទៃទៀតយ៉ាងដូចម្តេច?

Posted by Unknown Posted on 5:20 PM

ខ្លាញ់សត្វគឺជាប្រភេទនៃខ្លាញ់ខ្លួនពិសេសម្យ៉ាងដែលត្រូវបានមាន សកម្មភាពនៅពេលដែលអ្នករងារ។ ខ្លាញ់សត្វផលិតកំដៅដើម្បីរក្សាសីតុណ្ហភាពនៃខ្លួនរបស់អ្នកក្នុង ស្ថានភាពត្រជាក់។

ខ្លាញ់សត្វបានបង្កើតការចាប់អារម្មណ៍ដល់ គ្រូពេទ្យ និងអ្នកស្រាវជ្រាវសម្រាប់ពេលខ្លះដោយសារតែវាអាចប្រើប្រាស់ខ្លាញ់ ខ្លួនជាទៀងទាត់សម្រាប់ប្រើជាថាមពល។ ម្យ៉ាងវិញទៀត, វាមើលទៅហាក់ដូចជា ការធ្វើលំហាត់ប្រាណអាចភ្ញោចអរម៉ូនដែលធ្វើអោយខ្លាញ់សត្វនោះមាន សកម្មភាព។

អ្នកស្រាវជ្រាវកំពុងមើលថាតើភាពផ្ទាល់នៃការដុតកាឡូរីនៃខ្លាញ់សត្វអាចត្រូវបានជួយដល់ការសម្រកទម្ងន់ឬយ៉ាងណានោះ៕

ប្រភពពីៈ health.com.kh

សូមអានបន្ត»

ក្បួនថែរក្សាសម្រស់ តាមបែបធម្មជាតិ

Posted by Unknown Posted on 11:46 AM

បង្កើតម៉ាសធម្មជាតិ សម្រាប់បិតមុខ បន្ទាប់ពីក្រោកពីដំណេក៖ ធ្វើម៉ាសស្អិតបិតមុខ ដោយលាយទឹកឃ្មុំ និង ខ្ញី រួចលាបវាពីលើមុខរបស់អ្នក ជារៀងរាល់ព្រឹក មុនពេលអ្នកដុសធ្មេញ។ វិធីនេះ អាចជួយការពារស្បែកអ្នក ពីភាពជ្រីវជ្រួញ និង ធ្វើឲ្យវាតឹងណែន។
ប្រេងអូលីវ៖ ការម៉ាស្សាស្បែកមុខ គឺពិតជាមានអត្ថប្រយោជន៍ខ្លាំងណាស់ តាមដែលវាអាចជួយសម្រួល ដល់ដំណើរឈាមរត់ និង ធ្វើឲ្យស្បែកមានភាពតឹងណែនល្អ។ ប្រើប្រេងអូលីវ ម៉ាស្សាស្បែកមុខរបស់អ្នក ឲ្យបានជារៀងរាល់ ថ្ងៃ។ ចូរចងចាំថា អ្នកត្រូវម៉ាស្សាវា ឲ្យផ្ទុយពីទ្រនិចនាឡិកាវិល។
ផ្លែប៉ម៖ ចិតផ្លែប៉មជាចំណិតស្តើងៗ និង ជូតវានៅលើតំបន់ដែលមានផលរំខាន រួចលាងវាជាមួយនឹង ទឹកក្តៅឧណ្ឌៗ បន្ទាប់ពីបានទុកវាក្នុងរយៈពេល ១០នាទី។ វាជួយទប់ស្កាត់ ការមើលទៅឃើញមានខ្លាញ់នៅលើ ផ្ទៃមុខ។
រមៀត៖ ធ្វើម៉ាសស្អិត ដោយប្រើរមៀត ជាមួយនឹងទឹកដោះគោឆៅ និង ទឹកក្រូចឆ្មារ។ រួចលាបវាពីលើស្បែករបស់អ្នក វានឹងជួយបំបាត់ស្នាមជាំខ្មៅ ។
ទឹកឃ្មុំ៖ លាយទឹកឃ្មុំ,ទឹកក្រូចឆ្មារ និង ប្រេងនៃបន្លែឲ្យសព្វចូលគ្នា។ ហើយលាបវា នៅលើស្បែកស្ងួត និង ធ្វើការ លាងវាចេញ ឲ្យបានស្អាត បន្ទាប់ពីទុកវាបានពី ១០ ទៅ ១៥នាទី។ ល្បាយនេះ គឺជាគ្រឿងផ្តល់សំណើមដ៏ល្អ សម្រាប់ស្បែកស្ងួត។
ទទួលទានផ្លែឈើ៖ ចូលធ្វើវាឲ្យទៅជាទំលាប់ ក្នុងការបន្ថែមផ្លែឈើទៅក្នុងចំណែកមួយ របស់អាហារអ្នក។ ធ្វើការទទួលទាន ពួកវាដោយមិនត្រូវ បន្ថែមនូវជាតិអំបិល ឬ ស្ករនោះទេ។ គួរញុំាបន្លែ និង ផ្លែឈើឲ្យបានច្រើនប្រភេទផ្សេងៗគ្នា ដូចជា បន្លែដែលមានស្លឹកពណ៌បៃតងចាស់ នោះអ្នក នឹងមានអារម្មណ៍ដឹងពីភាពខុសប្លែក ដែលកើតមាន ចំពោះស្បែក របស់អ្នក។
ផឹកទឹកឲ្យបានច្រើន៖ បង្កើតទំលាប់ជាមួយ នឹងការផឹកទឹកឲ្យបានពីរកែវ បន្ទាប់ពីក្រោកពីដំណេក។ ការផឹកទឹកឲ្យបានឆាប់ នៅក្នុងពេលព្រឹក នឹងធ្វើឲ្យស្បែកអ្នក មានមានភាពភ្លឺថ្លា និង មានសុខភាពល្អ ។
ប្រើបឺរ៖ បឺរ ឬ ខ្លាញ់ទឹកដោះគោ គឺជាគ្រឿងផ្សំមួយផ្សេងទៀត សម្រាប់បំបាត់ស្នាមខ្មៅ ដោយសារពន្លឺព្រះអាទិត្យ។ លាងសំអាតមុខរបស់អ្នក ជាមួយនឹងបឺរជាតិទឹកដោះគោ ឲ្យបានទៀងទាត់ ក្នុងរយៈពេលពីរបីថ្ងៃ ហើយអ្នកនឹងសំគាល់ឃើញ ភាពខុសប្លែកដែលនឹងកើតមាន។ វិធីទប់ស្កាត់បែបធម្មជាតិទាំងនេះ នឹងជួយរក្សាសម្រស់ស្បែកអ្នក ហើយវាពិតជាល្អសម្រាប់ស្បែកដែលមានជាតិខ្លាញ់ និង ស្បែកធម្មតា។
បន្ថែមថាមពលនៅក្នុង អាហារពេលព្រឹករបស់អ្នក៖ ព្យាយាមទទួលទានអាហារ ដែលមានផ្ទុកជាតិកាឡូរីច្រើន នៅក្នុងពេលព្រឹក និង ពេលថ្ងៃត្រង់។ វិធីនេះអាច ជួយឲ្យអ្នកទទួលទានបានតិច នៅក្នុងពេលល្ងាច។ វានឹងផ្តល់ពេលវេលា និង ឱកាសជាច្រើនដល់អ្នក ក្នុងការដុតបំផ្លាញកាឡូរី ក្នុងអំឡុងពេលថ្ងៃ និង ពេលរសៀល។
ធ្វើឲ្យស្បែកមានសំណើម៖ ការលាបក្រែមផ្តល់សំណើម បន្ទាប់ពីការលាងមុខ ឬការងូតទឹកផ្កាឈូកក្តៅឧណ្ណៗ គឺជាវិធីព្យាបាលស្បែក ដ៏ល្អបំផុត។ វិធីផ្តល់សំណើមដល់ស្បែកនេះ គឺអាចធ្វើឲ្យជាតិប្រេង ដែលមាននៅលើស្បែកមានឡើងវិញ និង ជួយរក្សា វាឲ្យ មានសំណើម។

ផ្លែទំពាំងបាយជូរ៖ ធ្វើការលាយស្រូវសាឡី ៣ ទៅ ៤ ស្លាបព្រា ទៅក្នុង ទឹកទំពាំងបាយជូរ។ លាយវាឲ្យឡើងខាប់ៗ។ លាបវា ពេញពីលើផ្ទៃមុខ រួចទុកចោលរយៈពេល ១៥នាទី ។ លាងសំអាតវា ឲ្យបានស្អាតល្អជាមួយ នឹងទឹកក្តៅឧណ្ឌៗ ។ នោះអ្នក នឹងបានទទួលនូវស្បែកដែលមាន សុខភាពល្អ និង ទន់រលោងក្នុងពេលឆាប់ៗនោះ ៕

សូមអានបន្ត»

អត្ថប្រយោជន៍របស់សណ្តែកបារាំងចំពោះសុខភាព

Posted by Unknown Posted on 4:37 PM

មិនថាប្រភេទសណ្តែកណាមួយនោះទេ គឺពិតជាផ្តល់នូវគុណសម្បត្តិដ៏ល្អ ចំពោះសុខភាព។ ទន្ទឹមនឹង នេះសណ្តែកបារាំង ក៏មានអត្ថប្រយោជន៍ជាច្រើនផងដែរ ចំពោះសុខភាពយើងរាល់គ្នា ដែលយើងគប្បី បន្ថែមវាទៅក្នុងអាហារប្រចាំថ្ងៃរបស់ពួកយើងបាន ជារឿយៗ ។

១. ជួយគ្រប់គ្រងកម្រិតជាតិស្ករ

     សណ្តែកបារាំង គឺអាចផ្តល់អោយអ្នកដែលត្រូវការជាតិប្រូតេអ៊ីនបន្ថែម ក្នុងបរិមាណមួយដ៏ល្អ តាមបែបធម្មជាតិ។ នៅពេលដែលពួកត្រូវបានគេចំអិន បានត្រឹមត្រូវ នោះពពួកប្រូតេអ៊ីនទាំងនេះ នឹង ជួយអ្នក ក្នុងការលៃតម្រូវកម្រិតជាតិស្ករ នៅក្នុងឈាម។ ដូច្នេះ សណ្តែកបារាំងគឺអាចផ្តល់អោយអ្នកជំងឺ ទឹកនោមផ្អែម និង មនុស្សដែលមានកម្រិតជាតិស្ករទាប បាននូវផលប្រយោជន៍ដ៏ល្អ ។

២. ជួយធ្វើអោយ ការរំលាយអាហារ មានភាពប្រសើរឡើង

     សម្រាប់អ្នកទាំងឡាយណា ដែលមិនបានមាននូវ ភាពរឹងមាំចំពោះប្រព័ន្ធរំលាយអាហារ នោះ សណ្តែកបារាំង គឺជាកត្តាលិករមួយដែលជម្រុញអោយវាដំណើរការ បានល្អ។ ពួកវាមានផ្ទុកនូវ ជាតិសសៃ ដែលវាអាចជាថ្នាំបញ្ចុះលាមកតាមបែបធម្មជាតិ និង ជួយផងដែរក្នុងការកាត់បន្ថយនូវ កម្រិត កូឡេស្តេរ៉ូលនៅក្នុងឈាម។

៣. ផ្តល់នូវបេះដូងដែលមានសុខភាពល្អ

     សណ្តែកបារាំង គឺជាគន្លឹះក្នុងការធ្វើអោយអ្នក ទទួលបាននូវបេះដូងដែលមានសុខភាពល្អ។ ជាមួយ នឹងសារធាតុហ្វូលីកអាស៊ីត ដែលមាននៅក្នុងនោះ ពួកវាគឺជាជម្រើសនៃអាហារដែលមានសុខភាពល្អ សម្រាប់អ្នកជំងឺបេះដូង។

៤. ធ្វើអោយរាងកាយមានភាពវ័យក្មេង

     ប្រសិនបើអ្នកមិនបានដឹងពីចំណុចនេះ នោះទេពីមុនមក នោះអ្នកគប្បីទទួលទានវាអោយបានច្រើន ។ វាត្រូវបានគេដឹងថា សណ្តែកបារាំងគឺមានផ្ទុកនូវកំហាប់នៃសមាសធាតុប្រឆាំងនឹង ប្រតិកម្មអុកស៊ីត ក្នុង កម្រិតមួយដ៏ខ្ពស់ ។ ដូច្នេះ ប្រសិនបើអ្នកចង់បាននូវរាងកាយមួយដែល មានសុខភាពល្អ និង នៅក្មេងវ័យ ក្នុងរយៈពេលយូរនោះ អ្នកគួរចាប់ផ្តើមបរិភោគសណ្តែកបារាំងនេះ ចាប់ពីពេលនេះតទៅ ។

៥. ធ្វើអោយប្រព័ន្ធភាពសុំារឹងមាំ

     ពួកវាក៏ត្រូវបានគេដឹងផងដែរថា វាមានផ្ទុកនូវចំណែកនៃពពួកវីតាមីន B6 , វីតាមីន B1 និង វីតាមីន C ។ ពួកវាទាំងនេះ គឺអាចជួយធ្វើអោយប្រព័ន្ធភាពសុំាអ្នករឹងមាំ និង យកចេញនូវ ពពួករ៉ាឌីកាល់សេរី ដែលអាចបំផ្លាញដល់ DNA ។

៦. ធ្វើអោយអាហាររំលាយនៅក្នុងរាងកាយបានល្អ

     សណ្តែកបារាំង គឺជាឃ្លាំងផ្ទុកនូវ ពពួកសារធាតុដែក, ប៉ូតាស្យូម, កាល់ស្យូម និង ម៉ាញ៉េស្យូម ដែល ពួកវាមានសារៈសំខាន់ចំពោះ អាហារដែលត្រូវបានរំលាយនៅក្នុងរាងកាយអ្នក។

៧. ជាអ្នកជួយរំលាយនូវគ្រួសក្នុងតម្រងនោម

     ដោយសារតែវាមានផ្ទុកនូវ បរិមាណនៃជាតិសសៃក្នុងកម្រិតមួយដ៏ខ្ពស់ សណ្តែកបារាំងក៏ត្រូវបាន គេចាត់ទុកផងដែរថា វាមានអត្ថប្រយោជន៍ចំពោះបញ្ហានៃគ្រួសក្នុងតម្រងនោម។ ជាតិសសៃនេះ គឺជួយ រំលាយនូវ គ្រួសក្នុងតម្រងនោម នេះបានតាមបែបធម្មជាតិ។

៨. មិនសូវមាននូវជាតិកាឡូរី

     ប្រសិនបើអ្នក ជាមនុស្សដែលតែងតែ កំណត់នូវបរិមាណនៃការទទួលយកកាឡូរី នោះសណ្តែក បារាំងត្រូវបានគេចាត់ទុកថា ជាមិត្តដ៏ល្អបំផុតសម្រាប់អ្នក។ សណ្តែកបារាំងស្រស់ៗ គឺមានកាឡូរីទាប បំផុត មិនមានជាតិខ្លាញ់ដែលរលាយក្នុងទឹក និង សម្បូរទៅដោយវីតាមីន, និង រ៉ែក្នុងកម្រិតមួយដ៏ខ្ពស់។
    ដូច្នេះអ្នកអាចចំអិនវា, ចំហុយ ឬ ទទួលទានពួកវា ដោយការចំអិនអោយឆ្អិនត្រឹមតែ ៥០ភាគរយ នោះគឺថា ពួកវានឹងផ្តល់នូវរសជាតិដ៏ឈ្ងុយឆ្ងាញ់សម្រាប់អ្នក៕

ប្រភពពីៈ សុខភាពយើង

សូមអានបន្ត»

រាំផ្តល់គុណសម្បតិ្តអ្វីខ្លះដល់សុខភាពអ្នក ?

Posted by Unknown Posted on 3:15 PM

ដោយយោងតាម ក្រុមអ្នកសិក្សាស្រាវជ្រាវ បានបង្ហាញថា ការរាំគឺជា វិធីដ៏មានប្រសិទ្ធភាពមួយ ក្នុងការ រក្សាអោយរាងកាយអ្នកស្រឡូន និង មានរូបសម្បត្តិសមសួន។ វាគឺជា ទម្រង់ដ៏ល្អបំផុតមួយ សម្រាប់ការធ្វើលំហាត់ប្រាណ ។ វាបង្កើននូវសារជាតិ stamina ,ភាពចេះបន់បែនតាមកាលៈទេសៈ ,យក ចេញនូវអារម្មណ៍ស្ត្រេស និង ធ្វើអោយអ្នកកាន់តែមានកម្លាំងបន្ថែម។ វាជួយបញ្ចេញនូវសារជាតិពុល, ជួយសម្រាលដល់ សាច់ដុំ, ឆ្អឹង និង សន្លាក់របស់ពួកយើង និង ជួយផងដែរក្នុងការលើកស្ទួយនូវ ស្ថានភាពអារម្មណ៍របស់យើងម្នាក់ៗ ។ វាត្រូវបានគេជឿជាក់ថា សំលេងតន្ត្រី និង ការរាំ គឺសាកសម បំផុតជាមួយនឹងគ្នា។ នៅពេលសំលេងភ្លេងចាប់ប្រគុំឡើង យើងហាក់នឹងមានអារម្មណ៍ថា ចង់ធ្វើចលនា រាងកាយទៅតាមចង្វាក់ភ្លេងនោះ។ វាពិតជាផ្តល់អោយយើងរាល់គ្នា នូវភាពខុសគ្នា និង អារម្មណ៍នៃ សុភមង្គលបន្ទាប់ពីយើង បានរាំនូវចង្វាក់ផ្សេងៗជាច្រើន។

ការរាំដោយប្រើកម្លាំងខ្លាំងក្លា គឺអាចបញ្ចេញនូវស្ត្រេស និង ជាទម្រង់ដ៏ល្អមួយ នៃការធ្វើលំហាត់ ប្រាណ។ បើទោះជាបន្ទាប់ពីរយៈពេលដ៏យូរ នៃការធ្វើការងារដ៏អស់កម្លាំង ការរាំកំសាន្តក្នុងរយៈពេល ៣០នាទី គឺនឹងអាចធ្វើអោយអ្នកមានថាមពលវិញបានភ្លាម។ ការរាំ ក៏អាចជួយដុតបំផា្លញកាឡូរី, កាត់បន្ថយការប្រឈមនឹង ជំងឺបេះដូងសសៃឈាម និង យកចេញនូវសម្ពាធចេញពីរាងកាយបានផងដែរ ។ វាមាននូវទម្រង់ផ្សេងៗ ជាច្រើននៃការរាំ ដែលអ្នកអាចធ្វើការជ្រើសរើសយក ប្រភេទណាមួយ មកចាប់ ផ្តើមរៀន និង អនុវត្តទៅតាមចង្វាក់របស់វា ។ ពួកវាមានដូចជា ចង្វាក់ឆាឆា, ហ្ស៉ាស,បាឡេ, តុងហ្គោ និង ចង្វាក់ឌីស្កូ ផ្សេងៗទៀតដែលសុទ្ធតែជួយផ្តល់ អោយអ្នកនូវសុខភាពល្អបាន។

ការធ្វើលំហាត់ប្រាណ ដោយរាំតាមចង្វាក់ភ្លេង ក៏ជាប្រភេទលំហាត់ប្រាណផ្នែករាងកាយ ដ៏ល្អ ដែលវាអាចអោយអ្នកធ្វើចលនាដងខ្លួន ទៅតាមបែបបទនៃភ្លេង និង ចង្វាក់នីមួយៗ ។ វាគឺជាវិធីដ៏ប្រសើរ មួយ ក្នុងការដុតបំផ្លាញនូវខ្លាញ់ ក្នុងរាងកាយ និង ផ្តល់នូវថាពលដ៏ខ្ពស់ចំពោះរាងកាយ។ វានឹងបន្សល់ អោយអ្នកនូវ សួតដែលមានសុខភាពល្អ និង បេះដូងដែលលោតបានរឹងមាំ ។ ការចូលរួម ក្នុងក្លឹបរាំ ហាត់ប្រាណ ក្នុងពេលលា្ងចមិនត្រឹមតែអាចអោយអ្នក រាប់អានមិត្តបានកាន់តែច្រើននោះទេ ប៉ុន្តែវាថែម ទាំងអាចអោយអ្នកកាត់បន្ថយស្ត្រេសបានទៀតផង ៕

ប្រភពពីៈ សុខភាពយើង

សូមអានបន្ត»

ស្វែងយល់ពី ជំងឺមហារីក ដែលកើតឡើង ជាទូទៅ នាពេលបច្ចុប្បន្ន ជាមួយមន្ទីរពេទ្យ (វគ្គ២)

Posted by Unknown Posted on 3:04 PM

តើអ្នកដឹងថា មហារីកមានច្រើនជាង ២០០ ប្រភេទឬទេ?

ការវិនិច្ឆ័យ ថា មានមហារីក គឺមិនមែនមានន័យថា ស្លាប់នោះទេ។ មនុស្សរាប់លាននាក់ ទូទាំង ពិភពលោក រស់នៅជាមួយមហារីក។ មហារីកចាប់ផ្ដើម នៅក្នុងកោសិកា ដែលវាធ្វើការលូតលាស់ មិនប្រក្រតី។កោសិកាដែលនៅសល់ នឹងប្រមូលផ្ដុំគ្នា បង្កើតបានជាដុំសាច់។ មិនមែនដុំសាច់ ទាំងអស់ ជាមហារីក នោះទេ ហើយគេស្គាល់វាថា ជាដុំសាច់ស្លូត ដែលពុំគំរាមគំហែង ដល់ អាយុជីវិត និង អាចយកចេញបាន។ ផ្ទុយទៅវិញ កោសិកា ដែលជាដុំសាច់មហារីក កាចអាច រាលដាល និងធ្វើឱ្យខូចខាត ដល់ជាលិកា និង សរីរាង្គផ្សេងទៀតនៅ ជុំវិញនោះ ហើយរាលដាល ទៅផ្នែកផ្សេងទៀត នៅក្នុងខ្លួនមនុស្ស។

ដំណាក់កាលមហារីក គឺសម្តៅទៅលើ កំរិតនៃការសាយភាយ។ ជាទូទៅដំណាក់កាល គឺយោងទៅ តាមទំហំ នៃដុំសាច់ និងថាតើវាបានរាលដាល ទៅដល់ក្រពេញទឹករងៃ ឬក៏ផ្នែកផ្សេងទៀត ក្នុងខ្លួន ឬអត់។ គេឱ្យឈ្មោះមហារីក នៅកន្លែង ដែលវាចាប់កំណើតដំបូង។

ប្រភេទផ្សេងៗរបស់មហារីក

គេបែងចែងមហារីក ជា៥ប្រភេទធំៗខុសគ្នាៈ

១-មហារីកជាលិកា អេពីតេល្ប៉ាល (ជាលិកា ដែលក្រាលផ្ទៃ្ទ ខាងក្នុងស្បែក និងសរីរាង្គ ក្នុងក្រពេញ)មហារីកជា លិកាអេពីតេល្ប៉ាលគឺជាមហារីកម្យ៉ាងដែលបានរកឃើញនៅតួជាលិកាស្បែកដែលកើតមានទៅលើ សរីាង្គក្រពេញ រឺក៏ទំរង់នៃរាងកាយទាំងមូល។

ឧទាហរណ៍ មហារីកនៅផ្ទៃខាងក្នុង របស់ក្រពេញហៅថា មហារីកជាលិកា អេពីតេល្ប៉ាល (Carcinoma)។ មហារីកប្រភេទនេះ ភាគច្រើនកើត នៅលើសរីរាង្គ ឬ ក្រពេញ ដែលជាប់ទាក់ក្នុងការ បញ្ចេញសារធាតុ អ្វីមួយ ដូចជាសុដន ដែលផលិតទឹកដោះ។ មហារីកជាលិកា អេពីតេល្ប៉ាល មានតួលេខរហូតដល់ ៨០ភាគរយ ទៅ៩០ភាគរយ នៃប្រភេទមហារីកទាំងអស់។

២- មហារីកឈាម

មហារីកឈាមគឺជាមហារីកមាននៅលើខួរឆ្អឹងដែលទទួលខុសត្រូវក្នុងការផលិតកោសិកាឈាមក្រហម និងកោសិកាឈាមស ហើយនិងភ្លាកែត (Platelets)។ កោសិកាឈាមសគឺមាន តួនាទីការពារ ក្នុងការបង្ករោគ។ ចំពោះកោសិកា ឈាមក្រហម ការពារភាពស្លេកស្លាំង។ ភ្លាកែតមានតួនាទី ការពារចំពោះ ការចេញឈាមខាងក្នុង និង ខាងក្រៅ ដែលអាចកើត មានដោយងាយ។

៣- មហារីកក្រពេញទឹករងៃ

មហារីកក្រពេញទឹករងៃ គឺជាមហារីកមួយ ដែលប្រភពដើម មាននៅកូនកណ្ដុរ ឬឬក្រពេញ ដែលមាននៅក្នុងប្រព័ន្ឋទឹករងៃដែល មានតួនាទី ផលិតកោសិកាឈាមស ហើយលាងសំអាតសារ ធាតុរាវ នៅក្នុងខ្លួន ឬ ក៏សរីរាង្គដូចជា ខួរក្បាល និងដើមទ្រូង។មហារីកក្រពេញទឹករងៃ គឺបានបែកចែកជាពីរប្រភេទ ផ្សេងគ្នាៈ Hodgkin’s Lymphoma និង Non-Hodgkin’s Lymphoma ។

៤- ដុំមហារីកក្នុងខួរឆ្អឹង

ដុំមហារីកក្នុងខួរឆ្អឹង ដុះរាលដាល ក្នុងកោសិកា ដែលផលិតប្រព័ន្ឋការពារ (PlasmaCells) ។ ចំពោះករណីខ្លះ កោសិកាមហារីក ក្នុងឆ្អឹងកើតនៅលើឆ្អឹងតែមួយ និងបង្កើតបានជាដុំមួយ ហៅថា Plasmacytoma ចំពោះករណីផ្សេងទៀត កោសិកាមហារីក អាចកើតនៅលើឆ្អឹងច្រើន ដែលបង្កើតជាដុំ ច្រើនកន្លែង។ គេឱ្យឈ្មោះវាថា Multiple Myeloma ។

៥- មហារីកលើសាច់ដុំ

Sarcoma ជាដុំមហារីកដែលរីកដុះដាល ចេញពីជាលិកាសន្ឋាន ដូចជាឆ្អឹងខ្ចីខ្លាញ់ សាច់ដុំសរសៃ ចងភ្ជាប់ ពីសាច់ដុំ ទៅឆ្អឹង (Tendon) និងឆ្អឹង។ មហារីកសាច់ដុំ កើតជាសាមញ្ញបំផុតគឺមហារីកកើត លើឆ្អឹង ដែលមានចំពោះមនុស្ស វ័យកណ្ដាល។ ឧទាហរណ៍ មហារីកកើតលើឆ្អឹងហៅថា Osteosarcoma និង កើតលើឆ្អឹងខ្ចី ហៅថា Chondrosarcoma ។

នៅមានអត្ថបទបន្ដ

សម្រាប់ ព័ត៌មានបន្ថែម សូមទំនាក់ទំនង ការិយាល័យ ទំនាក់ទំនងមន្ទីរពេទ្យ Raffles

ប្រភពពីៈ Lookingtoday

សូមអានបន្ត»

តើ​ខ្លាញ់​សត្វ​ខុសគ្នា​ពី​ខ្លាញ់​ដទៃ​ទៀត​យ៉ាងដូចម្តេច​?

ក្បួនថែរក្សាសម្រស់ តាមបែបធម្មជាតិ

អត្ថប្រយោជន៍​របស់​សណ្តែក​បារាំង​ចំពោះ​សុខភាព​

រាំ​ផ្តល់​គុណ​ស​ម្ប​តិ្ត​អ្វីខ្លះ​ដល់​សុខភាព​អ្នក ?

ស្វែងយល់ពី ជំងឺមហារីក ដែលកើតឡើង ជាទូទៅ នាពេលបច្ចុប្បន្ន ជាមួយមន្ទីរពេទ្យ (វគ្គ២)

អត្ថបទពេញនិយម

តើខ្លាញ់សត្វខុសគ្នាពីខ្លាញ់ដទៃទៀតយ៉ាងដូចម្តេច?

អត្ថប្រយោជន៍របស់សណ្តែកបារាំងចំពោះសុខភាព

រាំផ្តល់គុណសម្បតិ្តអ្វីខ្លះដល់សុខភាពអ្នក ?